‘பேட்ட ‘ சினிமா விமர்சனம்

பேட்ட படத்தின் கதை என்ன? 
 ஒரு காலேஜ் ஹாஸ்டலுக்கு வார்டனாக என்ட்ரி தருகிறார் காளி (ரஜினி). அங்கே சேட்டை செய்யும் சீனியர்களை, சரியாக சமைக்காத கான்ட்ராக்டரை எல்லாம் ஒரு வழி பண்ணுகிறார். எதுவுமே சீராக போகாத ஒரு இடத்தை மொத்தமாக மாற்றியமைக்கிறார்.
 
 .இந்த காலேஜ் பிரச்னை எல்லாம் சரி செய்துவிட்டோம் என்று காளி நிம்மதி பெருமூச்சு விடும்போது தான் தொடங்குகிறது அவரின் உண்மையான பிரச்னை. ஒரு ரவுடி கும்பல் காளியை கொல்ல வடநாட்டில் இருந்து இறங்குகிறது. அவர்கள் காளியுடன் சேர்த்து அன்வரையும் (சனந்த் )கொல்லத் துடிக்கிறார்கள்.  காளி அந்த கும்பலை அடித்து துவைத்த பின்பு அவர்கள் சிங்காரத்தின் ஆட்கள் என்ன தெரியவருகிறது. யார் இந்த சிங்காரம்? அவருக்கும் காளிக்கும் என்ன தகராறு? இது தான் இண்டெர்வலுக்கு பிறகு நகரும் கதை.
 
உத்தர பிரதேசத்தில் இந்துத்துவ அமைப்பு தலைவராக சிங்காரமாக, அறிமுகம் ஆகிறார் நவாஸுதீன் சித்திக். , உத்தர பிரதேசத்தில் நடக்கும் அனைத்து விதமான சட்டவிரோத செயல்களுக்கும் இவர் தலைமை. சிங்காரத்துக்கு இரண்டு மகன்கள்; ஒருவர் கட்சியை பார்த்துக்கொள்வார் மற்றோருவர் அவரின் சட்ட விரோத செயல்களுக்கு தளபதி. 
 
நவாஸுதீன் சித்திக். , கிடைக்கும் கேப்-பில் ஸ்கோர் செய்கிறார் . 
 
சொல்வது சிங்காரம் செய்வது ஜீத்து. சரி, யார் அந்த ஜீத்து என்று பார்த்தால் விஜய் சேதுபதி.!
நெற்றியில் இந்துத்துவ அமைப்பின் அடையாளங்களுடன்; வாயில் பீடாவை மென்று கொண்டு கையில் துப்பாக்கியுடன் திரையில் தோன்றுகிறார் விஜய் சேதுபதி. .
 
சரி.காளியின் மீது சிங்காரத்துக்கு என்னதான் பகை ? , அங்கே தான் பிளாஷ்பேக் தொடங்குகிறது. அதற்கு நாம் மதுரைக்கு செல்ல வேண்டும்.ஏற்கனவே ஊர் விவகாரத்தில் காளியும் சிங்காரம் குடும்பமும் எலியும் புலியும் போல. இதில் காளியின் தம்பியான மாலிக்(சசிகுமார்) சிங்காரத்தின் தங்கையை காதலித்ததால் பெரிய பிரச்னை வெடிக்கிறது.
 
காளியின் ஆதரவால் மாலிக்கிற்கும் சிங்காரத்தின் தங்கைக்கும் திருமணம் நடக்கிறது. சிங்காரம் தன் பகையை தீர்த்துக்கொள்ள தன் தங்கையின் சீமந்தம் பொழுது பாம் வைத்து மாலிக் மற்றும் காளியின் மனைவியாக சில காட்சிகளில் தோன்றும் சரோ (திரிஷா) ஆகியோரை கொன்றுவிடுகிறான். அதில் காளியும் சிங்காரத்தின் தங்கையும் அவளின் வயிற்றில் இருக்கும் குழந்தையும் உயிர்பிழைக்கிறார்கள், அவர்களை கொல்ல சிங்காரம் துடிக்கிறான். இறுதியில் யார் வென்றார்கள்? ஜீத்து உண்மையில் சிங்காரத்தின் மகன் தானா? என்ற கேள்விகளுக்கு சுவாரஸ்யமான பல ட்விஸ்ட்களை அமைத்து பதில் சொல்லி இருக்கிறார் இயக்குநர் கார்த்திக் சுப்புராஜ்.
 

 ரஜினியை ரசித்து ரசித்து இயக்கி இருக்கிறார் கார்த்திக் சுப்புராஜ்..வார்டனாக மாணவர்களிடம் அன்பு, கண்டிப்பு, அதே நேரம் வில்லன் கும்பலிடம் அதிரடி என முதல் பாதியிலேயே பட்டையை கிளப்புகிறார். அதிலும் ரஜினியின் அதே துள்ளல் காமெடி, பாம்பு பாம்பு என்று முனிஷ்காந்தை கிண்டல் செய்வது, பாபியின் அப்பா வீட்டிலேயே சென்று அவரை கூலாக டீல் செய்வது என அதகளம் தான்.

அதிலும் நவாஸுதீன் கேங் அட்டாக் பண்ண ஆரம்பிச்சதும் ரஜினி எடுக்கும் அதிரடி ரசிகர்களுக்கு செம்ம விருந்து தான், அதிலும் கிளைமேக்ஸில் ராமா ஆண்டாலும் பாட்டுக்கு நடனமாடுவது கார்த்திக் சுப்புராஜ் விண்டேஜ் ரஜினியை கொண்டு வந்துள்ளார்.

பாஷாவின் ‘உள்ளே போ’, முள்ளும் மலரும் படத்தில் இடம்பெற்ற ‘ராமே ஆண்டாலும் இராவணன் ஆண்டாலும்’ பாடல் என்று பலவற்றை அங்கங்கே படத்தில் தெளித்து இருக்கிறார். இசையமைப்பாளர் அனிருத் தன் பங்கை சிறப்பாக ஆற்றி இருக்கிறார். 

 
இவற்றை தவிர்த்து, படத்தில் நட்சத்திர பட்டாளமே உள்ளது. கல்லூரி மாணவியின் அம்மாவாக வரும் சிம்ரன் இன்றும் அழகாக திரையில் தெரிகிறார். இவர் ரஜினியுடன் செய்யும் சேட்டைகள் ரசிக்க வைக்கின்றன ‘ஜோக்கர்’ பட புகழ் சோமசுந்தரம்; இயக்குநர் மஹேந்திரன், முனீஷ்காந்த், பாபி சிம்ஹா, மெகா ஆகாஷ் என்று பலர் நடித்திருக்கின்றனர்.
 
 முதல் பாதி விறுவிறுப்பு.இரண்டாம் பாதி கொஞ்சம் நீளம்.
தமிழ் சினிமாவில் ரஜினி என்று ஆளுமையை சரியாக பயன்படுத்திய இயக்குநர்கள் வெகு குறைவு. ரஜினியின் மாசை பட்டி தொட்டி எங்கும் பரப்பிய எஸ்.பி.முத்துராமன், கே எஸ் ரவிக்குமார் வரிசையில் நிச்சயம் கார்த்திக் சுப்புராஜிற்கு ஒரு இடம் உள்ளது.
 
மொத்தத்தில், எந்த ரஜினியை நாம் ரசித்து ரொம்ப காலமாக திரையில் பார்க்க ஆவலாக இருந்தோமோ அந்த ரஜினியை இந்த பேட்டையில் காணலாம்.
Pin It

Comments are closed.