ஸ்பீட் ஸ்கேட்டிங்கில் வெற்றிபெற்ற சிறுமிக்கு விஜய் பாராட்டு!

vjy-sctஸ்பீட் ஸ்கேட்டிங்கில் தேசிய அளவில் வெற்றி பெற்று சாதனை படைத்த சிறுமி ஏ.பி. நேத்திராவை விஜய்  நேரில் சந்தித்து பாராட்டினார்.
தழிழ்நாடு ஸ்பீட் ஸ்கேட்டிங் அசோசியேஷன் கீழ் இயங்கும் சேலம் மாவட்டம் ஸ்பீட் ஸ்கேட்டிங் அசோஷியஷனில் உள்ள Josh Queen Club -ல் பயிலும் மாணவி அம்மாப்பேட்டையை சேர்ந்த ஏ.பி.. நேத்திரா(Honey Kids Pre K.G.) 2016-2017 ஸ்போர்ட்ஸ் அகாடமி ஆண்டில் மாவட்ட ,மாநில ,தேசிய அளவில் வெற்றி பெற்று கடந்த பிப்ரவரி மாதம் 3லிருந்து 5ஆம் தேதி வரை கோவாவில் நடைபெற்ற சர்வதேச போட்டிக்கான தேர்வில் 4 வயதுக்குட்பட்ட பிரிவில் கலந்துகொண்டு இரண்டு தக்கப்பதக்கங்களை பெற்று தமிழ் நாட்டிற்குப் பெருமை சேர்த்துள்ளார்.

இத்தேர்ச்சி மூலம்”ஏசியன் ரோலர் ஸ்போர்ட்ஸ் சர்வதேச போட்டி 2017″ மே மாதம் தாய்லாந்தில் நடைபெற உள்ள போட்டியில் மாணவிகளுக்கான பிரிவில் இந்திய அளவில் மூன்றரை வயதுள்ள மாணவி ஏ.பி. நேத்திரா கலந்துகொள்ள உள்ளார். அம்மாணவியை இளையதளபதி விஜய்யிடம் காண்பித்து அவரின் பாராட்டையும், ஊக்குவிப்பையும் பெற ஆசைப்பட்டனர்.

இதை அறிந்த விஜய் தமிழ்நாடு ஸ்கேட்டிங் அசோஷியேஷன் உறுப்பினர்களையும், Josh Queen Club உறுப்பினர்களையும், மாணவியர், பெற்றோர்களையும், நேத்திராவையும் நேரில் அழைத்து பாராட்டி, ஊக்குவித்தார். இச்சந்திப்பின்போது இளையதளபதி விஜய்யுடன் தமிழ்நாடு ஸ்பீட் ஸ்கேட்டிங் அசோஷியேஷனின் பொதுச்செயலாளர் S.முருகானந்தம், பொருளாளர் மு.கௌதம், சேலம் மாவட்டம் பொதுச்செயலாளரும் Josh Queen Club -ன் உரிமையாளரும் பயிற்சியாளருமான K.ராஜேஷ்குமார், A.மேகலா ஆகியோரும் கலந்து கொண்டனர்.

Pin It

Comments are closed.