இப்பேரணியில் 40க்கும் மேற்பட்ட கல்லூரிகளை சேர்ந்த மாணவ, மாணவியர் பங்குபெற்றனர். சுமார் 2000 மாணவர்கள் பங்கு பெறுவார்கள் என எதிர்பார்த்திருந்த நிலையில் 7000க்கும் மேற்ப்பட்டவர்கள் கலந்து கொண்டதால் விழா குழுவினர் திக்கு முக்காடிப் போயினர்.
சுமார் 7.30 மணியளவில் துவங்கிய இந்த பேரணி 8.30 மணியளவில் ராணி மேரி கல்லூரியை வந்தடைந்தது. அதன் பின்னர் அங்கு அமைக்கப்பட்டிருந்த மேடையில் மாணவர்கள் மத்தியில் பத்மஸ்ரீ விவேக் பேசினார்.
அதன் பின்னர் பேரணியில் கலந்து கொண்டவர்களுக்கு மரக்கன்றுகள் வழங்கப்பட்டன. 
இவ்விழாவில் விருந்தினர்களாக கல்லூரிக்கல்வி இயக்குநர் சேகர், ராணி மேரி கல்லூரி முதல்வர் திருமதி. ராஜ சுலோச்சனா, நாட்டு நலப்பணி திட்ட ஒருங்கிணைப்பாளர் பாஸ்கரன், வசந்த பவன் அதிபர் ரவி, ஓவியர் ஏ.பி. ஸ்ரீதர் மற்றும் செல்வி. தேஜஸ்வனி விவேக் ஆகியோர் கலந்து கொண்டனர்.
இந்த விழாவினை நந்தகுமார் ஒருங்கிணைக்க, ‘கேட்டர் பில்லர்’ நிறுவன சுந்தர்ராஜ் மரக்கன்றுகள் தந்து உதவ ,அப்போலோ குழுமத்தினைச் சேர்ந்த சுப்பிரமணியம் விளம்பரங்கள் உதவி செய்தார். ரேகா தொகுத்து வழங்கினார். 
