டிஜிட்டலில் வருகிறது ‘வீரபாண்டிய கட்டபொம்மன்’

veerap-k.pடிஜிட்டலில் வருகிறது ‘வீரபாண்டிய கட்டபொம்மன்’ .சிவாஜிகணேசன் நடித்த ‘கர்ணன்‘, ‘பாசமலர்‘, ‘வசந்த மாளிகை‘ படங்கள் ஏற்கெனவே டிஜிட்டலில் புதுப்பிக்கப்பட்டு மீண்டும் வெளியிடப்பட்டன. இப்படங்கள் வசூல் செய்தன. ‘கர்ணன்‘ படம் சென்னையில் 150 நாட்கள் ஓடியது. இப்படத்தின் வசூல் கோடியை தாண்டியது.

தற்போது ‘வீரபாண்டிய கட்டபொம்மன்‘ படமும் டிஜிட்டலில் மாற்றப்பட்டுள்ளது. காட்சிகள் மற்றும் ஒலி அமைப்புகளும் புதுப்பிக்கப்பட்டு உள்ளது. விரைவில் தமிழகம் முழுவதும் இப்படம் வெளியாகிறது.

வீரபாண்டிய கட்டபொம்மன் படம் 1959–ல் வெளியானது. இதில் சிவாஜி ஜோடியாக வரலட்சுமி நடித்து இருந்தார். ஜெமினிகணேசன், பத்மினி, வி.கே.ராமசாமி ஆகியோரும் நடித்தனர். பி.ஆர்.பந்துலு இயக்கினார்.

கட்டபொம்மனின் வாழ்க்கை வரலாற்றை மையமாக வைத்து இப்படம் எடுக்கப்பட்டது. இதில் இடம் பெற்ற ‘அஞ்சாத சிங்கம் என் காளை’, ‘இன்பம் பொங்கும் வெண்ணிலா’, போகாதே போகாதே என் கணவா ‘உள்ளிட்ட பாடல்கள் பட்டிதொட்டியெங்கும் ஒலித்தன.இப்படம்தான் மீண்டும்  டிஜிட்டலில் மாற்றப்பட்டு புதுப்பிக்கப்பட்டு  வெளியாக உள்ளது.