நகைச்சுவைப் புலி வடிவேலு நடிக்கும் ‘எலி’

முழுக்க முழுக்க நகைச்சுவைக் காட்சிகளால் மட்டுமே அமைக்கப்பட்டு எடுக்கப்படும் படம் “எலி”. வைகைப்புயல் வடிவேலு, இயக்குநர் யுவராஜ் தயாளன் கூட்டணியில் உருவாகும் இரண்டாவது படம் இது.

1960களின் பின்னணியில் பிரம்மாண்டமாக உருவாகும் இப்படத்தை சிட்டி சினி கிரியேஷன்ஸ் சார்பாக ஜி சதிஷ் குமார் தயாரிக்கிறார்.

கடந்த பிப்ரவரி 5ஆம் தேதி சென்னையில் தொடங்கிய இப்படத்தின் படபிடிப்பு இரவுபகலாக இடைவிடாமல் நடை பெற்று வருகிறது.

பின்னி மில் வளாகத்தில் அமைக்க பெற்ற நட்சத்திர வீடு, பழமையான வீடுகள், பிரமாண்டமான வீடுகளின் உள்கட்டமைப்புகள், வில்லனின் ரகசிய இருப்பிடம் என 15க்கும் மேற்பட்ட பிரம்மாண்ட அரங்குகள் கோடிக்கணக்கான ரூபாய் செலவில் கலை இயக்குநர் தோட்டாதரணியால் அமைக்கப்பட்டு, வசனக்காட்சிகள் சண்டைக்காட்சிகள் படமாக்கப்பட்டன.

மேலும் பல கோடி ருபாய் செலவில் நடனவீடு செட் அமைக்கப்பட்டு அதில் 15 நாட்களுக்கு மேலாக, புகழ்பெற்ற மும்பை நடனக்கலைஞர்கள் ஆட, பழம்புகழ் நடன இயக்குநர் தாரா அவர்களின் நடன அமைப்பில் பாடல் படமாக்கப்பட்டது.

இந்தப் படத்தின் கதையையும், தனது புதுவிதமான கதாபாத்திரத்தையும் கேட்டு கதாநாயகியாக நடிக்க சம்மதித்தார் நடிகை சதா. கவர்ச்சியிலும் காமெடியிலும் விருந்து படைக்கிறார்.

சதாவின் நகைச்சுவை காட்சிகள் புது அனுபவம் தரும்.

தொடர்ந்து படப்பிடிப்பில் இருக்கும் எலி ஏப்ரல் இறுதியில் அனைத்து பணிகளும் நிறைவு பெற்று மே மாதம் திரைக்கு வருகிறது.

குழந்தைகள், பெண்கள் என அனைவரையும் பார்க்கும்வண்ணம் நகைச்சுவைக்கும் மட்டும் முதலிடம் தந்து எடுக்கப்படும் இந்த படம் 2015ம் ஆண்டின் கோடைக்கால குதூகலம்.

இந்தப்படத்தில் புகழ்பெற்ற சிறப்பம்சம் ஒன்றும் உண்டு. பூனைகள் துரத்தும்போது எலி எப்படி சமாளிக்குமோ, அதே போன்று சூப்பர் சுப்பராயன் சண்டைப்பயிற்சியில், வைகைபுயல் வடிவேலு எலியாக தனது நடிப்பில் பிரம்மாண்டமான சண்டைக்காட்சியில் நகைச்சுவையால் அசத்தியிருக்கிறார்.

உலகில் யாரும் இதுவரை செய்திராத வடிவேலுவின் “எலி” நடிப்பு – குழந்தைகளுக்கு சம்மர் ட்ரீட்டாக இருக்கும்.

நடிகர்கள்:

“வைகை புயல்” வடிவேலு

சதா

“கஜினி வில்லன்” பிரதிப் ராவத்

பெசன்ட் ரவி

மகாநதி சங்கர்

சந்தானபாரதி

பாவா லட்சுமணன்

போஸ் வெங்கட்

பூச்சி முருகன்

ராஜ்கபூர்

வெங்கல் ராவ்

கிருஷணமூர்த்தி

தொழில்நுட்ப கலைஞர்கள்:

கதை, திரைக்கதை வசனம் இயக்கம் – யுவராஜ் தயாளன்

இசை – வித்யாசாகர்

ஓளிப்பதிவு – பால் லிவிங்ஸ்டன்

படத்தொகுப்பு – VT விஜயன்

கலை –  தோட்டாதரணி

பாடல்கள் – புலமைப்பித்தன். விவேகா

நடனம் – தாரா, சிவசங்கர்

சண்டை – சூப்பர் சுப்புராயன்

மேக்கப் – நேரு, பாபு

உடைகள் – முருகன்

தயாரிப்பு மேற்பார்வை – பன்னீர் செல்வம்

தயாரிப்பு நிர்வாகம் – சிவராஜ், வெங்கடேஷ்

டிசைன்ஸ் – மித்ராமீடியா

மக்கள் தொடர்பு – நிகில்

தயாரிப்பு – G சதிஷ் குமார், S அமர்நாத்