சிறந்த கடற்கரை ஹோட்டலுக்கான விருதை பெற்று இருக்கிறது நடிகை ராதாவின் ‘உதய் சமுத்ரா ஹோட்டல்’.
தமிழ், தெலுங்கு, ஹிந்தி, மலையாளம் என பல மொழிகளில் நடித்து, திரையுலகில் தனக்கென ஒரு இடத்தை பிடித்தவர் நடிகை ராதா. தற்போது இவர் கேரளா – கோவளத்தில் நடத்தி வரும் ‘உதய் சமுத்ரா ஹோட்டல்’, சமீபத்தில் இலங்கை – கொழும்புவில் நடைபெற்ற 2016 ஆம் ஆண்டுக்கான ‘சவுத் ஏசியா டிராவல் அவார்ட்’ விழாவில், சிறந்த கடற்கரை ஹோட்டலுக்கான விருதை பெற்று இருக்கிறது.
பல முன்னணி தொழிலதிபர்கள் பங்கேற்ற இந்த பிரம்மாண்ட விருது வழங்கும் விழாவில், ‘ இந்தியாவின் முன்னணி பீச் ரிசார்ட்’, ‘தென் இந்தியாவின் முன்னணி ஸ்பா ஹோட்டல்’ , இந்தியாவின் முன்னணி ‘ஸ்பா’, தென் இந்தியாவின் முன்னணி சி எஸ் ஆர் ஹோட்டல், மற்றும் ‘தென் இந்தியாவின் சிறந்த உணவகம்’ என மொத்தம் ஐந்து விருதுகளை ராதாவின் ‘உதய் சமுத்ரா ஹோட்டல் பெற்று இருப்பது குறிப்பிடத்தக்கது.
