‘மாஸு என்கிற மாசிலாமணி’ விமர்சனம்

‘மாஸு என்கிற மாசிலாமணி’ சூர்யாவுக்கு பேய்களைப் பார்க்கும் சக்தி கிடைக்கிறது. அவருடைய காதலி நயன்தாராவுக்கு வேலையில் சேர சில லட்சம் பணம் தேவைப் படுகிறது. தனக்கு நண்பர்களாகிவிட்ட சில பேய்கள் உதவியுடன் வீட்டில் பேயோட்டுவது போன்ற சிறு மோசடிகள் செய்து பணம் சம்பாதிக்கிறார் சூர்யா. பண ஆசை துரத்தவே பெரிய திருட்டு செய்ய முடிவெடுக்கிறார். ஒரு பெரிய  இடத்தில் கொள்ளையடிக்கத் திட்டமிடுகிறார்.

தாங்கள் உதவ வேண்டுமென்றால் தங்களது பிரச்சினையை தீர்க்க வேண்டும் என்று பேய்கள் கோரிக்கை வைக்கின்றன.அவற்றின் பிரச்சினைகளை ஒவ்வொன்றாக சூர்யா தீர்க்கிறார். ஒரு பேய் புதிதாக சேர்ந்து சமுத்திரக்கனியை தீர்த்துக்கட்ட துடிக்கிறது. அது இன்னொரு சூர்யா. ஏன் என்கிற காரணம் அதன் பின்னணி என்ன என்பது முன்கதை. அது இந்த சூர்யாவின் தந்தை என்கிற திடுக் சஸ்பென்ஸ் ,சமுத்திரக்கனியைப் பழிவாங்கல் ஏன்  என்கிற  மர்மங்கள் எல்லாம் அவிழும் போது படம் முடிகிறது.