தனது ஒவ்வொரு படத்தின் மூலமும் மாறுபட்ட கதையம்சங்களை கொண்டு தமிழ் சினிமாவில் வெற்றி பெறும் இயக்குநர் சுசீந்திரன் இயக்கும் அடுத்த படத்தில் கதாநாயகனாக நடிப்பவர் உதயநிதி ஸ்டாலின். ரெட் ஜெயன்ட் நிறுவனம் தயாரிக்கும் இந்தப் படத்தின் முதல் நாள் படப்பிடிப்பு இன்று சென்னையில் நடந்தது.
உதயநிதியுடன் விஷ்ணு விஷால் ஒன்றாக இணைந்து நடிக்கும் இந்தப் படம் ‘மன்மதன் அம்பு’, 7ஆம் அறிவு’, ஒரு கல் ஒரு கண்ணாடி’, போன்ற வெற்றி படங்களை தந்த ரெட் ஜெயன்ட் மூவிஸின் 12ஆவது திரைப்படம் ஆகும்.
‘தள்ளி போகாதே’ பாடல் மூலம் ஒட்டு மொத்த தமிழ் இளைஞர்களின் மனதை கிறங்கடித்த ‘மஞ்சிமா மோகன்’ இந்த திரைப்படத்தில் உதயநிதியுடன் கை கோர்த்துள்ளார். மேலும், பாலாஜி தரணிதரன் இயக்கி வரும் ‘ஒரு பக்க கதை’ கதாநாயகி ‘மேகா ஆகாஷ்’, இந்த படத்தில் விஷ்ணு விஷாலுடன் ஜோடி சேர்ந்துள்ளது படத்தின் வண்ணத்தைக் கூட்டுகிறது.
இத்தோடு படத்திற்கு இன்னும் அழகு சேர்க்கும் வண்ணமாக D இமானின் இசையும், R மதியின் ஒளிப்பதிவும், காசி விஸ்வநாதனின் படத்தொகுப்பும் இருக்கும் என எதிர்ப்பார்க்கப்படுகிறது.
