பொதுவுடைமை இயக்கத் தலைவர் என். சங்கரய்யா அவர்கள் மறைவையொட்டி இயக்குநர் வசனகர்த்தா பிருந்தா சாரதி எழுதியிருக்கும் அஞ்சலிக் கவிதை!
‘தகைசால் தமிழர்’
தோழர் சங்கரய்யா அவர்களுக்கு அஞ்சலி!
பாதையைப் பொதுமையாக்கினார்
பயணத்தை மக்களுக்காக்கினார்
சுவாசத்தைக் கூடத்
தொழிலாளர்க்காக்கினார்
தன் வாழ்க்கையையே வரலாறாக்கினார்.
*
அடிமை நாட்டில் சுதந்திர முழக்கமிட்டார்
வறுமையை ஒழிக்கச் சிகப்புக் கனவு கண்டார்
சாதி இருள் விரட்ட
வெளிச்ச விதைகளிட்டார்
சமத்துவம் காணச் சாகும் வரை உழுது நட்டார்.
*
தோழர் என்ற உறவால்
உலக மானுடம் தழுவி நின்றார்
தொண்டையே சுவடாய் தொடர்ந்து பதித்து வந்தார்
தகைசால் தமிழர் விருது பெற்றார்
பரிசாய் வந்த தொகையையும்
தொடாமலேயே
கொரானா நிதிக்களித்தார்.
*
தியாகமே உருவம் சங்கரய்யா
இனி இவர் போல் ஒருவரை எங்கு காண்பதையா?
இன்று
இயற்கையும் எம்முடன் அழுகிற காட்சியையா
எழுந்து பார் நாடே போற்றும் உன் மாட்சி அய்யா!
*
பிருந்தா சாரதி
