வுண்டர்பார் பி லிட் நிறுவனம்சார்பில் தனுஷ் தயாரிக்கும் படங்கள் எதிர்பார்ப்புக் குரியவை. மட்டுமல்ல பரவலான வெற்றியையும் பெற்றவையாகும். அந்த வகையில் இந்நிறுவனம் தயாரித்த படங்களான ‘.3 ‘ ,.’எதிர்நீச்சல்’ ‘விஐபி;, ‘காக்கி சட்டை’, ‘காக்கா முட்டை’ ஆகிய படங்கள் பெரிய வரவேற்பைப் பெற்றவையாகும். குறிப்பாக தனுஷ் .தயாரித்த ‘காக்கா முட்டை’ உலகத் திரைப்படவிழாக்களில் பிரமாண்டமான வரவேற்பையும் ,உள்ளூர் திரையரங்குகளில் அதிரடி வசூலையும் பெற்ற படமாகும்.
தனுஷின் வுண்டர்பார் பி லிட் நிறுவனம் தயாரித்துள்ள அடுத்த படம் ‘விசாரணை’ .. வெற்றிமாறன் இயக்கத்தில் தினேஷ், சமுத்திரக்கனி உள்ளிட்ட பலர் நடித்திருக்கும் இப்படம், 72-வது வெனிஸ் சர்வதேசத் திரைப்படவிழாவில் போட்டிக்குத் தேர்வாகியுள்ளது, இந்தப் பெருமையே இதன் தரத்தை உணர்த்தும்.. இப்படத்தை உலகளவில் வெளியிடும் அனைத்து உரிமைகளையும் லைக்கா புரொடக்ஷன்ஸ் நிறுவனம் வாங்கியுள்ளது. இதன்மூலம் ‘விசாரணை’ படத்தின் வணிகப்பரப்பும் எதிர்பார்ப்பும் மேலும் விசாலமாகி இருக்கின்றன..
வுண்டர்பார் சார்பில் தனுஷ் தயாரிக்கும் இன்னொரு படமான ‘நானும் ரவுடிதான்’ படத்தின் தமிழக வெளியீட்டு உரிமையையும் லைக்கா நிறுவனம் பெற்றுள்ளது. இப்படம் விக்னேஷ் சிவன் இயக்கத்தில் அனிருத் இசையமைப்பில் விஜய் சேதுபதி, நயன்தாரா, பார்த்திபன் உள்ளிட்ட பலர் நடிப்பில் உருவாகியுள்ளது..இப்படி தனுஷ் தயாரித்துள்ள இவ்விரண்டு படங்களையும் லைக்கா புரொடக்ஷன்ஸ் நிறுவனம் வாங்கியுள்ளதால் அவற்றின் எல்லைகள் விரிவடைந்து இருக்கின்றன.
