கார்த்திகேயன் பெருமையுடன் வழங்க மேக் 5 ஸ்டுடியோஸ் என்ற பட நிறுவனம் அதிகப் பொருட்செலவில் தயாரிக்கும் படம் ‘ விளையாட்டு ஆரம்பம்’.
இந்தப் படத்தில் யுவன் கதாநாயகனாக நடிக்கிறார். கதாநாயகியாக ஸ்ராவியா நடிக்கிறார். மற்றும் ரியாஸ்கான், பவர்ஸ்டார் சீனிவாசன், பானுசந்தர், விஜய்ஆனந்த், எலிசபெத் ஆகியோர் நடிக்கிறார்கள். இவர்களுடன் நீண்ட இடைவெளிக்குப் பிறகு அனுஜா நடிக்கிறார்.
ஒளிப்பதிவு – அருண்மொழி சோழன் , இசை – ஸ்ரீகாந்த் தேவா
இந்த படத்தின் கதையை பெரோஸ்கான் எழுதி இருக்கிறார்.
தயாரிப்பு – ஆனந்த் உதார்கர், கார்த்திகேயன்.
திரைக்கதை, வசனம் எழுதி இயக்குகிறார்கள் விஜய் R. ஆனந்த், A.R.சூரியன் இருவரும்.
படம் பற்றி இயக்குநர்கள் கூறியது..
”சதுரங்க வேட்டை மாதிரியான படம்.ஆனால் சதுரங்க வேட்டை ஆன்லைன் வர்த்தகத்தின் எதிர்மறையான விஷயங்களை பதிவு செய்தது.
ஆனால் விளையாட்டு ஆரம்பம் படத்தில் ஆன்லைன் வர்த்தகத்தில் உள்ள நிறைவான விஷயங்களை இதில் பதிய வைத்திருக்கிறோம். ஒரு நாடு வல்லரசு நாடாக உருவாக வேண்டுமானால் மல்டி லெவல் மார்க்கெட்டிங் ஒரு காரணமாக இருக்கும் என்கிற நேர் மறையான விஷயங்கள் தான் படத்தின் மையக்கரு !
படப்பிடிப்பு மதுரை, திருச்சி, நாமக்கல் போன்ற இடங்களில் நடைபெற்றுள்ளது.
பாடல் காட்சிகள் சென்னை, பாங்காக் போன்ற இடங்களில் மிகப் பிரமாண்டமாக படமாக்கப் பட்டுள்ளது.”
