இசைஞானி இளையராஜாவின் ஸ்டுடியோவில் விநாயகர் சதுர்த்தி அன்று அதவது இன்று ’ராவணன் சோலையில் சிவன்மலை’ என்கிற புதிய படத்தின் தொடக்க விழா நடைபெற்றது. விழாவில் படத்திற்கு இசையமைக்கும் இளையராஜா கலந்து கொண்டார். இந்தப் படத்தை பாணர் இயக்குகிறார் .ஆர் எஸ் குளோபல் டாக்கீஸ் சார்பில் எஸ் கே ஸ்ரீதர் தயாரிக்கிறார் .படத்தின் நாயகனாக நந்து,நாயகியாக ஆராதனா பட் மற்றும் பலர் நடிக்கிறார்கள். ஒளிப்பதிவு -எம்.வி. பன்னீர்செல்வம், படத் தொகுப்பு -காசி விஸ்வநாத், சண்டைப் பயிற்சி -மைக்கேல் எனப் படக் குழுவினர் இணைந்துள்ளனர் 
இந்தத் திரைப்பட விழாவில் இசைஞானி இளையராஜா கலந்து கொண்டு குத்து விளக்கு ஏற்றி பூஜையைத் தொடங்கி வைத்தார். விழாவில் தயாரிப்பாளர், இயக்குநர் படத்தின் நாயகன்,நாயகியுடன் பிரபல நடிகர்கள் தலைவாசல் விஜய் ,கஞ்சா கருப்பு ,முத்துக்காளை மற்றும் படக்குழுவினர் கலந்து கொண்டனர் .
